Artıq kənd təsərrüfatı sahəsində çalışan fermerlər biznes krediti götürərkən ödəniş planını - gəlir əldə etmə dövrünə uyğunlaşdıraraq daha əlverişli şərtlərlə əldə edəcək. Əgər fermer hər hansı bir mövsümi bizneslə məşğuldursa, o zaman ödəniş qrafiki elə tərtib olunacaq ki, fermer gəlir götürmədiyi dövrdə nisbətən az, gəlir götürdüyü dövrdə nisbətən çox məbləğdə ödəniş edəcək Məsələn, əgər fermer təsərrüfatla məşğuldursa, məhsul götürüb satış həyata keçirdiyi dövrdə nisbətən çox, əkin işləri ilə məşğul olduğu dövrdə daha az ödəniş etmək imkanı əldə edəcək. Beləliklə fermerler, daha əlverişli qrafik ilə kredit üzrə ödəniş etmək imkanı qazanacaqlar.